აფეთქების შედეგად, რომელიც ჩინეთის ქალაქ ბენბუში მოხდა, ორი ადამიანი დაიღუპა, ხოლო დაშავებულია კიდევ 9.

ადგილობრივი ხელისუფლების მიერ გავრცელებული ინფორმაციის თანახმად, აფეთქება, ადგილობრივი დროით 18:00 საათზე მოხდა, როდესაც მუშები ცდილობდნენ, რეზერვუარიდან თავიანთი თანამშრომელი გამოეყვანათ. იგი რეზერვუარს წმენდდა, რომელსაც სარემონტო სამუშაოები უტარდებოდა და შიგნიდან დაბლოკილი აღმოჩნდა.

აფეთქების შედეგად ეს პირი დაიღუპა, აგრეთვე კიდევ ერთი მეხანძრე. დაშავებულია 9 მაშველი, რომლებიც ჰოსპიტალში გადაიყვანეს. ქარხანაში კი მომხდარის შესახებ გამოძიება დაიწყო.