უკრაინის პრეზიდენტმა ვლადიმირ ზელენსკიმ პუტინს მინსკში შეხვედრა შესთავაზა.

უკრაინის პრეზიდენტის თქმით, მოლაპარაკებები აშშ-ის, დიდი ბრიტანეთის, გერმანიისა და საფრანგეთის შუამავლობით გაიმართება.

„მინდა, მივმართო რუსეთის ფედერაციის პრეზიდენტს, ვლადიმირ პუტინს, საჭიროა საუბარი? საჭიროა. მოდით, განვიხილოთ, ვისია ყირიმი, ვინ არის და ვინ არა დონბასში. თქვენთან საუბრისას გთავაზობთ შემდეგ ფორმატს, მე, აშშ-ის პრეზიდენტი დონალდ ტრამპი, დიდი ბრიტანეთის პრემიერ-მინისტრი ტერეზა მეი, გერმანიის კანცლერი ანგელა მერკელი და საფრანგეთის პრეზიდენტი ემანუელ მაკრონი“, - განაცხადა ზელენსკიმ „ფეისბუქით“ გავრცელებულ ვიდეომიმართვაში.

„ვფიქრობ, ალექსანდრ ლუკაშენკო დიდი სიამოვნებით მიგვიღებს მინსკში. ჩვენ არ ვცვლით არანაირ დიპლომატიურ ფორმატებს. ჩვენ უბრალოდ გთავაზობთ საუბარს“, – ამბობს ზელენსკი.