აშშ-ში, ტეხასის შტატის ქალაქ ელ პასოს სავაჭრო ცენტრში სროლის ფაქტს, რომელსაც 20 ადამიანი ემსხვერპლა, შიდა ტერორიზმის მუხლით იძიებენ. ამის შესახებ „BBC“ ოფიციალურ პირებზე დაყრდნობით წერს.
გავრცელებული ცნობით, სავაჭრო ცენტრ „Walmart“-ში ცეცხლი გახსნა 21 წლის მამაკაცმა, რომელიც უკვე დაკავებულია.
პოლიციის ინფორმაციით, მსროლელი ელ პასოდან 1000 კილომეტრში მდებარე ქალაქ ალენში ცხოვრობდა.
აშშ-ში, ტეხასის შტატის ქალაქ ელ პასოს სავაჭრო ცენტრში სროლისას 20 ადამიანი დაიღუპა და 26 დაშავდა.