ფრანგი მწერალი ფედერიკ ბეგბედერი საზოგადოებას საქართველოში მოგზაურობისკენ მოუწოდებს და ჩაერთო ახალ კამპანიაში, რომელიც #Spendyoursummeringeorgia-ს გაგრძელებაა.
ამ კამპანიასთან დაკავშირებით „Facebook“-ზე შექმნილ ჯგუფში, რომელშიც თითქმის 283 ათასამდე ადამიანია მსოფლიოს სხვადასხვა ქვეყნიდან, ტურისტებსა და სოციალური ქსელების მომხმარებლებს მოუწოდებენ, რომ 1 სექტემბრიდან გამოიყენონ ახალი ჰეშთეგი #SpendYourAutumninGeorgia და #Spend4SeasonsinGeorgia.
სწორედ ამ კამპანიას უკვე შეუერთდა ფრანგი მწერალი, რომელიც ვიდეომიმართვაში საქართველოში შემოდგომის გატარებისკენ მოუწოდებს ხალხს.