სომხეთის პოლიციის ყოფილი უფროსი გარდაცვლილი იპოვეს.
პოლიციის ცნობით, ჰაიკ არუთიუნიანს ცეცხლსასროლი იარაღით მიყენებული ჭრილობა თავის არეში აღენიშნება.
მისი გარდაცვალების სავარუდო ვერსიად თვითმკვლელობა განიხილება.
არუთიუნიანი სომხეთის პოლიციის უფროსად 2003 – 2008 წლებში მუშაობდა. აღსანიშნავია, რომ ჰაიკ არუთიუნიანი 2008 წლის პირველი მარტის მიტინგის დარბევის საქმეზე მოწმე იყო. აღნიშნულ საქმეზე ერთ-ერთი ეჭვმიტანილი სომხეთის ყოფილი პრეზიდენტი რობერტ ქოჩარიანია.