„ძლიერი სეზონური წვიმის შედეგად, ინდოეთში ბოლო ორ დღეში სულ მცირე 42 ადამიანი დაიღუპა“, - ამის შესახებ ინფორმაციას „დოიჩე ველე“ ავრცელებს.
როგორც გამოცემა ადგილობრივ ხელისუფლებაზე დაყრდნობით იუწყება, ძლიერი წვიმისგან გამოწვეული ინციდენტების შედეგად ინდოეთის ჩრდილოეთ შტატ უტარ-პრადეშში ბოლო ორი დღის განმავლობაში 35 ადამიანი დაიღუპა 17 კი - დაშავდა, დანგრეულია რამდენიმე ათეული სახლი. ქვეყნის აღმოსავლეთ შტატ ბიჰარში კი სტიქიამ 7 ადამიანის სიცოცხლე იმსხვერპლა.
გავრცელებული ინფორმაციით, წლევანდელი წვიმის სეზონზე სტიქიას ინდოეთში, ნეპალსა და ბანგლადეშში 350-ზე მეტი ადამიანის სიცოცხლე ემსხვერპლა.