გერმანიაში, თურქებსა და ქურთებს შორის მომხდარი დაპირისპირების შედეგად 9 ადამიანი, მათ შორის ხუთი პოლიციელი, დაშავდა, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, ქალაქ ლუდენშეიდში ოთხშაბათს საღამოს ქურთებმა აქცია გამართეს და სირიაში თურქების შეჭრა გააპროტესტეს, რა დროსაც მათსა და თურქ კონტრ-დემონსტრანტებს შორის შეტაკება მოხდა.
პოლიციამ ხუთი დემონსტრანტი დააკავა.
შეგახსენებთ, რომ რამდენიმე დღის წინ ქურთმა დემონსტრანტებმა გერმანიის ქალაქ ჰერნეში თურქების კუთვნილი ჯიხური და კაფე დაარბიეს, რა დროსაც ხუთი ადამიანი დაშავდა.