„იაპონიის აღმოსავლეთ ნაწილში ძლიერი წვიმის შედეგად გამოწვეული წყალდიდობისა და მეწყერის გამო 10 ადამიანი დაიღუპა“, - ამის შესახებ ინფორმაციას სააგენტო „როიტერსი“ იაპონურ მედიაზე დაყრდნობით ავრცელებს.
მათივე ინფორმაციით, ამ დროისთვის დაკარგულად ითვლება 3 ადამიანი.
ხელისუფლებამ ევაკუაციის რეკომენდაცია გასცა, ვინაიდან არსებობს წყალდიდობისა და მეწყერის გამეორების შანსი.
შეგახსენებთ, ორი კვირის წინ იაპონიას ძალიერი ტაიფუნი „ჰაგიბისი“ დაატყდა თავს, რომელმაც 88 ადამიანის სიცოცხლე შეიწირა.