ამერიკის შეერთებული შტატების პრეზიდენტი აცხადებს, რომ მედიით გავრცელებული ინფორმაცია, თითქოს აშშ საუდის არაბეთში 12 ათასი სამხედროს გაგზავნას გეგმავს, სიცრუეა.

შესაბამისი განცხადება დონალდ ტრამპმა მიკრობლოგ „Twitter“-ზე გააკეთა.

„გავრცელებული ინფორმაცია, რომ ჩვენ საუდის არაბეთში 12 ათას სამხედროს ვგზავნით, არასწორია. უფრო დაზუსტებით რომ ვთქვათ, ეს არის ყალბი ამბავი“, - დაწერა ტრამპმა.

მანამდე, ტელეკომპანია „CNN“-მა გაავრცელა ინფორმაცია, რომ ამერიკის თავდაცვის სამინისტრო საუდის არაბეთში ამერიკელი სამხედროების გაგზავნას გეგმავდა.