კომპანია „Apple“-მა, კორონავირუსის ეპიდემიის გამო, ჩინეთში საცალო გაყიდვების ყველა მაღაზია დროებით დახურა. ინფორმაციას ამის შესახებ ტელეკომპანია CNBC ავრცელებს.
„Apple“-ის მაღაზიები, კორპორატიული ოფისები და საკონტაქტო ცენტრები ჩინეთში 9 თებერვლამდე არ იმუშავებს.
შეგახსენებთ, რომ 30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ბოლო მონაცემებით, კორონავირუსმა ჩინეთში 259 ადამიანი იმსხვერპლა. ინფიცირებულთა რაოდენობამ 11 ათასს გადააჭარბა.