ცნობილი ბრიტანელი მხატვრის, დევიდ ჰოკნის ნახატი „შხეფი“ ლონდონის Sotheby's-ის აუქციონზე სოლიდურ ფასად გაიყიდა. ამის შესახებ BBC წერს.
უცნობმა კოლექციონერმა მასში 23,1 მილიონი გირვანქა სტერლინგი გადაიხადა.
„შხეფი“ ერთ-ერთია იმ ნამუშევართაგან, რომელიც მხატვარმა ლონს-ანჯელესში 1966-1977 წლებში დახატა.
82 წლის დევიდი თანამედროვე მხატვრებს შორის ერთ-ერთ ყველაზე მაღალანაზღაურებად მხატვრად ითვლება. 2018 წელს მისი ნამუშევარი „მხატვრის პორტრეტი“ 90,3 მილიონ დოლარად გაიყიდა.