ლონდონში ახალი ტიპის კორონავირუსის პირველი შემთხვევა გამოვლინდა. ინფიცირებული ქალია, რომელიც ბრიტანეთში ჩინეთიდან რამდენიმე დღის წინ ჩავიდა და სიმპტომებიც მალევე გამოუვლინდა. ის სენტ-ტომასის საავადმყოფოს ინფექციურ განყოფილებაშია მოთავსებული. მისი დიაგნოზი დადასტურებულია. ინფორმაციას ამის შესახებ BBC ავრცელებს.
დიდ ბრიტანეთში კორონავირუსის ეს უკვე მეცხრე შემთხვევაა.
14-მდე გაიზარდა კორონავირუსით ინფიცირებულთა რიცხვი აშშ-ში. აშშ-ის დაავადებათა კონტროლისა და პრევენციის ცენტრის ცნობით, დაავადება დაუდგინდა ჩინეთის უხანის პროვინციიდან ევაკუირებულ მეორე პირს. 232 ევაკუირებული სან-დიეგოსთან, საზღვაო სამხედრო ბაზაზე გადის კარანტინს.
კორონავირუსის გამო მსოფლიოს მასშტაბით, უამრავი ღონისძიებაც გადაიდო. მათ შორის ავტომობილების საერთაშორისო ფედერაციამაც „ფორმულა 1“-ის გრან-პრის გადადების გადაწყვეტილება მიიღო.