logo_geo
ჰონგ-კონგში კორონავირუსით მეორე პაციენტი გარდაიცვალა
- +

19 თებერვალი. 2020. 12:11

 

ჰონგ-კონგში კორონავირუსით მეორე პაციენტი გარდაიცვალა. ამის შესახებ „სოუზ ჩაინა მორნინგ პოსტი“ იუწყება.

 

გამოცემის ცნობით, დაიღუპა 70 წლის მამაკაცი, რომელსაც ახალი ტიპის კორონავირუსი 14 თებერვალს დაუდგინდა. ის იმავე საავადმყოფოს პაციენტი იყო, სადაც 4 თებერვალს კორონავირუსით პირველი პაციენტი დაიღუპა. გამოცემის ცნობით, მამაკაცს დიაბეტი და თირკმელების პრობლემა ჰქონდა.

 

„სოუზ ჩაინა მორნინგ პოსტის“ ინფორმაციით, მამაკაცი ჩინეთს 22 იანვარს სტუმრობდა, თავი ცუდად 2 თებერვალს იგრძნო, თუმცა საავადმყოფოს მხოლოდ 12 თებერვალს მიმართა. 14 თებერვალს მას ახალი ტიპის კორონავირუსის დიაგნოზი დაუსვეს. ამ მომენტისთვის ის უკვე კრიტიკულ მდგომარეობაში იმყოფებოდა.

 

ბოლო მონაცემებით, ჩინეთში კორონავირუსით დაინფიცირებულების რიცხვმა 74 000-ს გადააჭარბა. დაიღუპა 2004 ადამიანი, კორონავირუსისგან კი 14 400 ადამიანი განიკურნა.

 

წყარო : wyaro
big_banner
არქივი