ჩინეთში „ჟენჩენის“ ციხეში კორონავირუსის 200-ზე მეტი შემთხვევა დაფიქსირდა, მათგან 200 პატიმარია, დანარჩენი კი დაწესებულების უსაფრთხოების სამსახურის წევრია. ინფორმაციას „სიენენი“ ავრცელებს.
ქვეყნის ჯანდაცვის სამინისტროს ინფორმაციით, ციხეში კორონავირუსზე ტესტი 2 077 ადამიანს ჩაუტარდა, მათგან 200-ზე მეტი დადებითი იყო.
ყველა ინფიცირებული იზოლირებულია და მკურნალობას გადის.
ციხის ადმინისტრაციის ინფორმაციით, ციხეში ვირუსი ერთ-ერთი დაავადებული ოფიცრისგან გავრცელდა.
12 თებერვალს ერთ-ერთი თანამშრომელი გრიპის სიმპტომებით საავადმყოფოში მოათავსეს. მეორე დღეს ანალოგიური სიმპტომებით საავადმყოფოში ციხის კიდევ ერთი თანამშრომელი გადაიყვანეს.