ისრაელში ახალი კორონავირუსის პირველი შემთხვევა გამოვლინდა.
ისრაელის მოქალაქე ქალი საკრუიზო ხომალდ „დაიმონდ პრინსესზე“ იმყოფებოდა, სადაც ვირუსი იყო გავრცელებული.
„პაციენტი კარანტინში იმყოფება. ის კორონავირუსით ქვეყანაში არ დაინფიცირებულა“,-აცხადებენ ისრაელის ჯანდაცვის სამინისტროში.
სულ ხომალდით ისრაელის 11 მოქალაქე მგზავრობდა, თუმცა 21 თებერვლის მონაცემებით, დანარჩენ 10 ადამიანს ვირუსი არ დაუდგინდა.
ბოლო მონაცემებით, ვირუსის გავრცელების ეპიცენტრში, ჩინეთში, კორონავირუსს 2 236 ადამიანი ემსხვერპლა, დაინფიცირებული კი 75 465 ადამიანია.