ქუვეითში კორონავირუსით ინფიცირების პირველი სამი შემთხვევა დაფიქსირდა.
ამის შესახებ ინფორმაციას სააგენტო KUNA, ქვეყნის ჯანდაცვის სამინისტროზე დაყრდნობით ავრცელებს.
ყველა ინფიცირებული ქუვეითში ირანის ქალაქ მეშხედიდან ჩავიდა.
ქუვეითის ხელისუფლების ცნობით, ერთ-ერთი დაავადებული ქუვეითის 53 წლის მოქალაქეა, მეორე - საუდის არაბეთის 61 წლის მოქალაქე, ხოლო მესამე, 21 წლის პაციენტის მოქალაქეობა ჯერ დაუდგენელია.
ხელისუფლების ცნობით, ინფიცირებულები ექიმების დაკვირვების ქვეშ არიან.
ცნობისთვის მსოფლიოში კორონავირუსით დაღუპულთა რაოდენობა 2 619-მდე გაიზარდა.
30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო.