კორონავირუსის პანდემიის გამო დღეიდან ევროკომისიამ აკრძალა გადაადგილება შენგენის ზონაში. ბევრმა ევროპულმა ქვეყანამ უკვე დაკეტა თავისი საზღვრები. ასევე იკეტება ევროკავშირის საგარეო საზღვრები.
BBC-ის ინფორმაციით, საზღვრის გადაკვეთის განსაკუთრებული ნებართვა გაიცემა მხოლოდ მედპერსონალზე, სამშობლოში დაბრუნების მსურველ ევროპელებზე, მათ ოჯახებზე, დიპლომატებსა და სატვირთო გადაზიდვებზე.
„რაც ნაკლები იქნება გადაადგილება, მით მეტი იქნება ვირუსის შეჩერების შანსი“, - განაცხადა ევროკომისიის პრეზიდენტმა ურსულა ფონ დერ ლაიენმა.