საუდის არაბეთში, ექიმებმა კორონა ვირუსული ინფექციის წინააღმდეგ მალარიის სამკურნალო მედიკამენტების გამოყენება დაიწყეს. ამის შესახებ სამეფოს ჯანდაცვის მინისტრმა ტაუფიკ არ-რაბიამ პარასკევს პრესკონფერენციაზე განაცხადა.
„აღსანიშნავია, რომ მალარიით მკურნალობა ხელს უწყობს კორონა ვირუსული დაავადების მქონე პაციენტების მდგომარეობის შემსუბუქებას. ამიტომ ჩვენ დავიწყეთ ამ სამედიცინო პროტოკოლის გამოყენება მათთვის, ვინც შესაფერისია ამ სახის მკურნალობისთვის“, – აღნიშნა სამეფოს ჯანდაცვის მინისტრმა.
მისი თქმით ძნელია იმის პროგნოზირება, თუ როდის დაამარცხებენ კორონა ვირუსს.
საუდის არაბეთის ჯანდაცვის უწყების ინფორმაციით, ქვეყანაში კორონა ვირუსით ინფიცირების რაოდენობა ბოლო დღეებში საგრძნობლად გაიზარდა.