logo_geo
უცხოური მედია: საჭესთან პროფესიონალების დაყენება ყველაზე ჭკვიანური გადაწყვეტილება იყო
- +

25 მარტი. 2020. 00:23

 

 

ევროპის სხვა ქვეყნებთან შედარებით, საქართველომ ორი კვირა მოიგო ვირუსის გადაცემის ტემპის მაქსიმალურად შენელებისთვის. საჭესთან პროფესიონალების დაყენება ყველაზე ჭკვიანური გადაწყვეტილება იყო, – ევროპული გამოცემა euractiv სტატიას „საქართველოს გაშმაგებული ბრძოლა ახალი კორონავირუსის წინააღმდეგ” აქვეყნებს.

 

სტატიაში ნათქვამია, რომ სხვა ქვეყნებისგან განსხვავებით, ვირუსი ძალიან ნელა გავრცელდა საქართველოში.

 

„26 თებერვალს პირველი შემთხვევის დაფიქსირებიდან საქართველოს ახალი კორონა ვირუსით ინფიცირების მხოლოდ 61 დადასტურებული შემთხვევა გააჩნდა 23 მარტის მდგომარეობით. სავალდებულო კარანტინში 3320 ადამიანია მოთავსებული და ეს კავკასიური ქვეყანა აპლოდისმენტებს იღებს პანდემიის წინააღმდეგ გაჩაღებული გლობალური ბრძოლის ფარგლებში მიღწეული წარმატებისთვის. შედარებისთვის, მეზობელ სომხეთში პირველი შემთხვევა 2 მარტს დაფიქსირდა და 22 მარტისთვის ახალი კორონა ვირუსით ინფიცირების 194 დადასტურებული შემთხვევა გააჩნია”,- აღნიშნულია სტატიაში.

 

ევროპული გამოცემა აქვეყნებს ჯანდაცვის ექსპერტთა და მკვლევართა შეფასებებს, სადაც ისინი საუბრობენ საქართველოში ჯანდაცვის პროფესიონალთა დიდებულ კოჰორტაზე და ამბობენ, რომ ევროპის სხვა ქვეყნებთან შედარებით, საქართველომ ორი კვირა მოიგო ვირუსის გადაცემის ტემპის მაქსიმალურად შენელებისთვის.

 

„ეს ალბათ ჯანდაცვის პროფესიონალთა დიდებული კოჰორტისა და გამძლეობის კარგი უნარის დამსახურებაა”, – წერდა ანალიტიკური ცენტრის Carnegie Europe-ის უფროსი მკვლევარი თომას დე ვაალი ქვეყნის რეაგირების პროგრამის დადებითად შეფასებისას. საზოგადოებრივი ჯანდაცვის და სოციალური მომსახურების ქართველმა ექსპერტმა ზურაბ თათანაშვილმა Eurasianet-ის კორესპონდენტს უთხრა, რომ „საჭესთან პროფესიონალების დაყენება ალბათ, ყველაზე ჭკვიანური გადაწყვეტილება იყო, რაც ოდესმე მიუღია ამ მთავრობას. ანალიტიკური ცენტრის GEOCASE-ის მკვლევარმა ლიკა ჭიპაშვილმა Eurasianet-ს კორესპონდენტს განუცხადა, რომ სხვა ქვეყნებისგან განსხვავებით, ვირუსი ძალიან ნელა გავრცელდა საქართველოში. „სავარაუდოდ, ევროპის სხვა ქვეყნებთან შედარებით, საქართველომ ორი კვირა მოიგო ვირუსის გადაცემის ტემპის მაქსიმალურად შენელებისთვის”,- აღნიშნულია სტატიაში.

 

 

 

წყარო : wyaro
big_banner
არქივი