ნიუ-იორკში, მაუნთ სინაის საავადმყოფოში, სადაც რამდენიმე დღის წინ ექთანი COVID-19-ით გარდაიცვალა, მედპერსონალს სამედიცინო ხალათები არ ყოფნის და ექთნების ნაწილი იძულებულია, ერთჯერადი ნაგვის პარკები გამოიყენოს. ამის შესახებ businessinsider წერს და საავადმყოფოს ექთნების ფოტოს აქვეყნებს, რომლებსაც Hefty-ს ბრენდის ერთჯერადი პარკები აქვთ შემოცმული.
„ნიუ იორკ პოსტის“ ინფორმაციით, მანჰეტენზე, მაუნთ სინაის საავადმყოფოში 48 წლის ექთანი ახალი კორონავირუსით გარდაიცვალა.
ნიუ-იორკი აშშ-ში კორონავირუსის აფეთქების ეპიცენტრად რჩება.