logo_geo
ნიკოლ ფაშინიანი: ჩემი და ჩემი ოჯახის წევრების ტესტის პასუხები კორონავირუსზე უარყოფითია, ვუბრუნდები სამსახურს
- +

8 ივნისი. 2020. 14:56

 

 

სომხეთის პრემიერ-მინისტრის, ნიკოლ ფაშინიანისა და მისი ოჯახის წევრების განმეორებითი ტესტის პასუხები კორონავირუსზე უარყოფითია. ამის შესახებ ნიკოლ ფაშინიანმა სოციალურ ქსელ „ფეისბუქში“ დაწერა.

 

„ძვირფასო თანამემამულენო, ახლა მივიღეთ ჩვენი ოჯახის წევრების განმეორებითი ტესტის პასუხები. ყველას პასუხი უარყოფითია. უარყოფითი პასუხები იყო გუშინაც. რა თქმა უნდა, ჩვენი ინფიცირების ვადები და პირობები უნდა გადაიხედოს, მაგრამ მთავარი ისაა, რომ ჩვენ ყველანი გამოვჯანმრთელდით და იმუნიტეტი გვაქვს. დიდი მადლობა თანადგომისთვის, სამსახურს ვუბრუნდები“, - წერს ნიკოლ ფაშინიანი.

 

სომხეთის პრემიერ-მინისტრმა, ნიკოლ ფაშინიანმა 1 ივნისს განაცხადა, რომ კორონავირუსი დაუდასტურდა.

 

 

 

წყარო : wyaro
big_banner
არქივი