ელექტრომობილების მწარმოებელი Tesla-ს ხელმძღვანელმა ილონ მასკმა კომპანიის აქციების გაყოფის შესახებ განაცხადა. კერძოდ ერთი აქცია 5 ნაწილად გაიყოფა და ისე გაიყიდება. ამ ფონზე აქციის ფასმა 7%-ით აიწია. ამის შესახებ Reuters წერს.
ამ დროისთვის Tesla-ს აქციების ფასი $1 374 გაუტოლდა. კომპანიაში აცხადებენ, რომ მათი სურვილია Tesla-ს აქციები თანამშრომლებისა და ინვესტორებისთვის ხელმისაწვდომი გახდეს.
21 აგვისტომდე Tesla-ს აქციის მფლობელები, 21 აგვისტომდე ერთ აქციაზე, ოთხ დამატებით აქციას მიიღებენ. 31 აგვისტოდან კი აქციების გაყიდვა ახალი წესებით დაიწყება.
კომპანიის აქციები მიმდინარე წელს 200%-ით გაძვირდა.