ავსტრალიის სამხრეთ-აღმოსავლეთში ანომალიურად დაბალი ტემპერატურაა. კონტინენტს ქარბუქი, ძლიერი ქარი და ყინვები დაატყდა თავს.
ასეთი ნამდვილად ზამთრის ამინდი 15 წელიწადში ერთხელ დგება ხოლმე. „Daily Mail“-ის ინფორმაციით, გასულ ღამეს დედაქალაქ კანბერაში ბოლო 4 წელში ყველაზე დაბალი ტემპერატურა დაფიქსირდა. რეგიონში საშუალო ტემპერატურა ნორმაზე 10 გრადუსით დაბალია.
კვირას კვლავ თოვას ელოდებიან. სინოპტიკოსების განცხადებით, ახალ სამხრეთ უელში და ვიქტორიაში ყინვები ორშაბათამდე შენარჩუნდება.