ინდოეთში ბოლო დღე-ღამეში კორონავირუსის 83 341 შემთხვევა გამოვლინდა. ეს ქვეყნისთვის „კოვიდ-19“-ით ინფიცირების მორიგი რეკორდული ყოველდღიური მაჩვენებელია.
მონაცემებს ინდოეთის ჯანდაცვის სამინისტრო ავრცელებს. ბოლო 24 საათში ინდოეთში 1 096 კოვიდინფიცირებული გარდაიცვალა.
ქვეყანაში სულ რეგისტრირებულია „კოვიდ-19“-ის 3 მილიონ 936 ათასზე მეტი შემთხვევა. გარდაცვლილთა საერთო რაოდენობა 68 472-ს შეადგენს.
კორონავირუსით ინფიცირების შემთხვევებისა და გარდაცვლილების რაოდენობით ინდოეთი მსოფლიოში მესამე ადგილზეა აშშ-სა და ბრაზილიის შემდეგ.