logo_geo
კორონავირუსის შემთხვევების მატების გამო, ჩეხეთში დამატებითი შეზღუდვების დაწესება იგეგმება
- +

22 სექტემბერი. 2020. 15:57

 

 

ჩეხეთში „კოვიდ-19“-ის შემთხვევების მკვეთრი მატების გამო, დამატებითი შეზღუდვების დაწესება იგეგმება. შესაბამისი განცხადება ჩეხეთის ჯანდაცვის ახალმა მინისტრმა, რომან პრიმულამ გააკეთა.

 

რომან პრიმულას განცხადებით, შეზღუდვა შეეხება რესტორნებს, ისინი მხოლოდ 22:00 საათამდე იმუშავებენ. ასევე, ღია სივრცეებში 100-ზე მეტი ადამიანის შეკრება, დახურულ სივრცეში კი, 50 ადამიანზე მეტის შეკრება აიკრძალება.

 

18 სექტემბერს ჩეხეთში „კოვიდ-19“-ის ყოველდღიური მაჩვენებელი პირველად გადასცდა 2 000-ს.

 

„კოვიდ-19“-ის გავრცელებიდან დღემდე, ჩეხეთში ვირუსის 50 764 დადასტურებული შემთხვევაა გამოვლენილი, გარდაიცვალა 522 ადამიანი.

 

 

big_banner
არქივი