აშშ-ის პრეზიდენტი დონალდ ტრამპი და მისი „დემოკრატი“ მეტოქე ჯო ბაიდენი კითხვა-პასუხის სესიებს გამართავენ, ამის შესახებ ინფორმაციას BBC ავრცელებს.

გამოცემის ცნობით, ორივე კანდიდატი ამომრჩევლების კითხვებს პირდაპირ ეთერში, ხუთშაბათს საღამოს, ერთსა და იმავე დროს უპასუხებენ.

პრეზიდენტ ტრამპის კითხვა-პასუხის სესია NBC-ზე, ბაიდენის კი ABC-ზე გავა ეთერში.

აღსანიშნავია, რომ დონალდ ტრამპსა და ჯო ბაიდენს შორის 15 ოქტომბრისთვის დაგეგმილი მეორე სატელევიზიო დებატები გაუქმდა. საპრეზიდენტო დებატების კომისიამ ეს გადაწყვეტილება მას შემდეგ მიიღო, რაც დონალდ ტრამპმა, რომელსაც რამდენიმე დღის წინ კორონავირუსი დაუდასტურდა, ვირტუალურ დებატებში მონაწილეობაზე უარი განაცხადა.

წყარო :