აშშ-ის ფარმაცევტულმა გიგანტმა „Pfizer“-მა კოვიდ 19-ის საწინააღმდეგო ვაქცინის წარმოება დაიწყო. „Forbes“-ის ინფორმაციით, საწყის ეტაპზე რამდენიმე ასეული ათასი დოზა იქნება წარმოებული.

კომპანია აშშ-ის მარეგულირებელი ორგანოებისგან ვაქცინის რეალიზაციის დასაწყებად შესაბამის ნებართვას ელოდება. ამ ნებართვის გაცემა ნოემბრის დასაწყისში იგეგმება.

იმ შემთხევაში, თუ კომპანია აშშ-ის ხელისუფლებისგან დადებით პასუხს მიიღებს, ის წელს კორონავირუსის საწინააღმდეგო ვაქცინის 100 მილიონ დოზას გამოუშვებს, ხოლო მომავალ წელს ვაქცინის წარმოებას 1,3 მილიარდ დოზამდე აიყვანს.

აშშ-ის გარდა ვაქცინების გაგზავნა სხვა ქვეყნებშიც იგეგმება.

ცნობისთვის, კომპანია „Pfizer“ კორონავირუსის საწინააღმდეგო ვაქცინის შექმნაზე გერმანულ კომპანია „BioNTech“-თან ერთობლივად მუშაობს. აშშ-ის პრეზიდენტი დონალდ ტრამპი რამდენჯერმე აცხადებდა, რომ კორონავირუსის ვაქცინა ქვეყანაში არჩევნებამდე შეიქმნება, თუმცა, ბოლო ინფორმაციით, „Pfizer“-ის მიერ ვაქცინის რეალიზაციისთვის აუცილებელი ნებართვის მიღება არჩევნებამდე ვერ მოესწრება.

ინფორმაციისთვის, მსოფლიოში ამჟამად კორონავირუსის საწინააღმდეგო ვაქცინის შექმნაზე ათეულობით კომპანია მუშაობს, თუმცა, ვაქცინის შექმნის დასკვნით, მესამე ფაზამდე მხოლოდ ათი კომპანია მივიდა.

წყარო :