დღეს დილიდან ბელარუსის მსხვილ საწარმოებში გაფიცვა და სხვა საპროტესტო აქციები დაიწყო. ამავდროულად, საწარმოების ტერიტორიაზე უსაფრთხოების სამსახურის წარმომადგენლები მორიგეობენ.
წინა დღეს, 25 ოქტომბერს, ამოიწურა ულტიმატუმის ვადა, რომლის მიხედვითაც პრეზიდენტი ალექსანდრ ლუკაშენკო უნდა გადამდგარიყო. აღნიშნული მოთხოვნა სვეტლანა ტიხანოვსკაიამ წამოაყენა, რომელსაც ოპოზიცია ბელარუსის საპრეზიდენტო არჩევნებში გამარჯვებულად თვლის.