რუსეთის ქალაქ ვორონეჟში სამხედრო მოსამსახურემ 3 თანამებრძოლი დახოცა. ინციდენტი სამხედრო აეროდრომის ტერიტორიაზე მოხდა. ამის შესახებ regnum.ru იუწყება.
ამ ინფორმაციის მიხედვით, ჯარისკაცი ნაჯახით იყო შეიარაღებული. მან ერთ-ერთ სამხედროს პისტოლეტი წაართვა და შემდეგ სროლა ატეხა.
ერთი ადამიანი დაჭრილია. ბოროტმოქმედმა მიმალვა მოახერხა.
ამჟამად პოლიცია ბოროტმოქმედს ეძებს.