ევროკომისიის პრეზიდენტმა, ურსულა ფონ დერ ლეიენმა განაცხადა, რომ კორონავირუსის ვაქცინის შეძენის მიზნით, ევროკავშირმა ამერიკულ კომპანია Moderna-სთან შეთანხმებას მიაღწია.
მისივე თქმით, შეთანხმება ევროკავშირს ვაქცინის 160 მილიონამდე დოზის შეძენის შესაძლებლობას აძლევს.
„მოხარული ვარ განვაცხადო, რომ კოვიდ-19-ის ვაქცინასთან დაკავშირებით ხვალ მეექვსე ხელშეკრულებას გავაფორმებთ კომპანია Moderna-სთან . საუბარია ვაქცინის 160 მილიონამდე დოზის შეძენაზე“, - განაცხადა ევროკომისიის პრეზიდენტმა.