არგენტინელი ფეხბურთელის დიეგო მარადონას ვაჟმა, დიეგო მარადონა-უმცროსმა, მამის გარდაცვალება რეანიმაციაში ყოფნისას შეიტყო, სადაც კორონავირუსით გამოწვეული გართულების გამო მოხვდა.
იტალიელი ჟურნალისტი ტანკრედი პალმიერი სოციალურ ქსელში წერს, რომ „ყვითელი პრესის“ ერთ-ერთმა წარმომადგენელმა დაურეკა 35 წლის მამაკაცს, მამამისის სიკვდილთან დაკავშირებით კომენტარის მისაღებად. სწორედ ამ მომენტში შეიტყო დიეგო-უმცროსმა მამის დაკარგვის ამბავი.
დიეგო მარადონა ოთხშაბათს, 60 წლის ასაკში გულის შეტევით გარდაიცვალა.