გერმანიაში „კოვიდ-19“-ის შემთხვევების რიცხვმა მილიონს გადააჭარბა. ამის შესახებ ინფორმაციას რობერტ კოხის სახელობის ინსტიტუტი ავრცელებს.
ბოლო 24 საათში ქვეყანაში ვირუსი კიდევ 22 806 ადამიანს დაუდგინეს.
ბოლო დღე-ღამეში გერმანიაში ვირუსით ინფიცირებული 426 პაციენტი გარდაიცვალა. საერთო ჯამში კოვიდ-ინფექციით გამოწვეულ დაავადებას გერმანიაში 15 586 მოქალაქე ემსხვერპლა.
გერმანიაში ეპიდემიის დაწყებიდან დღემდე კორონავირუსისგან განიკურნა 670 000-ზე მეტი ინფიცირებული.