შრი-ლანკაში, „მაჰარას“ ციხეში მომხდარი ბუნტის დროს 6 პატიმარი დაიღუპა, 35 კი - დაშავდა.
მედიის ინფორმაციით, პატიმრებმა ციხეში კორონავირუსის შემთხვევების ზრდა გააპროტესტეს, არეულობის გასაკონტროლებლად კი სამართალდამცავებმა ცეცხლი გახსნეს.
პანდემიასთან დაკავშირებული უკმაყოფილება შრი-ლანკას ციხეებში ყოველდღიურად მატულობს. ბოლო კვირების განმავლობაში პატიმრებმა სასჯელაღსრულების დაწესებულებებში ინფიცირების შემთხვევების ზრდა რამდენიმე ციხეში გააპროტესტეს. აღსანიშნავია, რომ შრი-ლანკას ციხეებში პატიმართა ჭარბი რაოდენობის პრობლემა არსებობს.