პანდემიის გამო, იტალიელები შობას ეკლესიაში მისვლას და რეგიონებში გამგზავრებას ვერ შეძლებენ. იტალიის ჯანდაცვის მინისტრის მოადგილემ, სანდრა ძამპამ განაცხადა, რომ საშობაო მსახურება ადგილობრივი დროით 20:30 საათზე უნდა დასრულდეს, რათა მორწმუნეებმა სახლში დაბრუნება კომენდანტის საათის დაწყებამდე, საღამოს 22:00 საათამდე შეძლონ.
ამასთან, როგორც იტალიის ჯანდაცვის სამინისტროში აცხადებენ, შობის დღესასწაულზე ოჯახის წევრების გარდა, სახლში სხვა სტუმრების მიღება აიკრძალება.