„შვეიცარიის მედიკამენტების მარეგულირებელმა ორგანომ, Swissmedic-მა, „მოდერნას“ მიერ შექმნილი კორონავირუსის საწინააღმდეგო ვაქცინის გამოყენების ნებართვა გასცა“, - ამის შესახებ ინფორმაციას „გარდიანი“ ავრცელებს.

აღსანიშნავია, რომ „მოდერნას“ ვაქცინა შვეიცარიაში დამტკიცებული კორონავირუსის საწინააღმდეგო მეორე ვაქცინაა. ქვეყანაში Pfizer/BioNTech-ის ვაქცინის გამოყენებით მოსახლეობის ვაქცინაცია 23 დეკემბრიდან დაიწყო.

შვეიცარია კორონავირუსის მეორე ტალღას ებრძვის. ქვეყანაში, პანდემიის დაწყების დროიდან, კორონავირუსის 500 000-მდე შემთხვევაა დადასტურებული, დაღუპულთა რაოდენობა კი 7 500-ს აჭარბებს.

https://www.interpressnews.ge/ka/article/637229-shveicariam-moderna-s-vakcinis-gamoqenebis-nebartva-gasca