„ლონდონში კოვიდინფიცირებული პაციენტების საავადმყოფოებში ტრანსპორტირებისთვის ორი ავტობუსი სასწრაფო სამედიცინო დახმარების ავტომობილებად გადააკეთეს“, - ამის შესახებ ინფორმაციას „გარდიანი“ ავრცელებს.
გამოცემის ცნობით, ავტობუსებში სკამების უმეტესობა ამოღებულია და თითოეულის საშუალებით ერთდროულად 4 პაციენტის გადაყვანაა შესაძლებელი.
ცნობისათვის, გაერთიანებულ სამეფოში, პანდემიის დაწყების დროიდან, კორონავირუსის 3 505 754 შემთხვევაა დადასტურებული, აქედან ვირუსს 93 000-ზე მეტი პაციენტის სიცოცხლე ემსხვერპლა. ქვეყანაში რამდენიმე კვირის წინ კორონავირუსის ახალი შტამი დაფიქსირდა, რომელიც, მეცნიერების განმარტებით, აქამდე ცნობილ სახეობასთან შედარებით უფრო გადამდებია.