მას შემდეგ რაც ამერიკის შეერთებული შტატების 45-ე პრეზიდენტმა დაკავებული თანამდებობა დატოვა, მისი მეუღლე მელანია ტრამპი ფლორიდაში, სპა-ცენტრში ისვენებს. ამის შესახებ ამერიკული გამოცემა The Mirror წერს.
როგორც გამოცემა წერს, იანვარში, მას შემდეგ რაც კაპიტოლიუმზე თავდასხმა მოხდა, მელანიას ქმართან ურთიერთობა დაეძაბა. ყოფილ პირველი ლედი შეშინებული იყო არეულობით, რომელსაც 5 ადამიანის სიცოცხლე ემსხვერპლა.
გამოცემის ცნობით, მელანია ტრამპი იტარებს მასაჟებს და სახის მოვლის პროცედურებს, მიირთმევს თევზის კერძებს და დროს მშობლებთან ერთად ატარებს.
„ის დადის სპა-ცენტრში, სადილობს, კვლავ მიდის სპა-ცენტრში და საღამოს დონალდთან ერთად ვახშმობს. და ამ ყველაფერს ყოველდღიურად იმეორებს“ , – უთხრა გამოცემას ოჯახის ნაცნობმა.
მანამდე გავრცელდა ინფორმაცია, რომ ფლორიდაში წასული ყოფილი პრეზიდენტი სოციალური ქსელების გარეშე ბედნიერად ცხოვრობს.