გერმანიის პოლიციამ არაბული და ჩეჩნური კლანების წინააღმდეგ ფართომასშტაბიანი რეიდები ჩაატარა.
„როიტერის“ ინფორმაციით, ორგანიზებული დანაშაულის, ნარკოტრეფიკინგისა და გამოძალვის წინააღმდეგ მიმდინარე გამოძიების ფარგლებში, რამდენიმე ასეულმა პოლიციელმა ბერლინსა და ბრანდენბურგში 20-ზე მეტი ადგილი შეამოწმა.
რეიდების ჩატარება გერმანიის ფედერალური კრიმინალური პოლიციის დეპარტამენტის მიერ გამოძიების შედეგად გადაწყდა, რასაც წინ უძღოდა არაბებსა და ჩეჩნებს შორის დაპირისპირება.
გავრცელებული ინფორმაციით, რეიდების ფარგლებში ორი ადამიანი დააკავეს.