ინდოეთში ტაჯ-მაჰალის მავზოლეუმის ტერიტორიიდან ტურისტების ევაკუაცია განხორციელდა. მიზეზი აფეთქების შესახებ შემოსული შეტყობინებაა. ამის შესახებ გამოცემა „Hindustantimes“ წერს.

მედიის ცნობით, ტერიტორია 1000-ზე მეტმა ადამიანმა დატოვა.

ადგილზე გამნაღმველები მუშაობენ.

სპეციალისტებმა კომპლექსი შეამოწმეს და ასაფეთქებელი მოწყობილობა ვერ აღმოაჩინეს.

პოლიციის ცნობით, ზარის ავტორი მამაკაცი იყო, რომელმაც ასევე განაცხადა, რომ ჯარში რეკრუტირების დროს დისკრიმინაცია ფიქსირდება.

https://report.ge/world/taj-mahalshi-evakuatsia-gamotskhadda/