ინდოეთში, ამბოხებული მაოისტების თავდასხმის შედეგად, ბოლო თვეების განმავლობაში, ხუთი პოლიციელი დაიღუპა, ხოლო 18 გაუჩინარდა. წერს საინფორმაციო სააგენტო Reuters.
გამოცემის ცნობით, შეტაკებები ქალაქ რაიპურიდან 540 კმ-ის მოშორებით, სუკმას სასაზღვრო რაიონში მოხდა.
18 დაკარგული სამართალდამცავის გადასარჩენად სამძებრო ღონისძიებები ამ დრომდე გრძელდება.
მაოისტები, ინდოეთის მთავრობის წინააღმდეგ აჯანყებებს უკვე ათწლეულების განმავლობაში აწარმოებენ. ისინი ინდოეთის რამდენიმე შტატში 1960-იანი წლებიდან მოქმედებენ. ადგილობრივი კომუნისტური შეიარაღებული ჯგუფის ლიდერები აცხადებენ, რომ ისინი გაჭირვებული ხალხის სახელით იბრძვიან და მათ ინტერესებს იცავენ.