აშშ-მა ავღანეთიდან ჯარების გაყვანის პროცესი 90%-ით დაასრულა. ინფორმაციას ამის შესახებ აშშ-ის შეიარაღებული ძალების ცენტრალური სარდლობა ავრცელებს.
შშ-ის შეიარაღებული ძალების ცენტრალურ სარდლობაში ასევე აცხადებენ, რომ აშშ-მა შვიდი ობიექტი ავღანეთის თავდაცვის სამინისტროს ოფიციალურად გადასცა.
2 ივლისს ამერიკელმა ჯარისკაცებმა და ნატოს ძალების წევრებმა ბაგრამის საჰაერო ბაზა დატოვეს.
1-ელ მაისს შეერთებულმა შტატებმა ავღანეთიდან ჯარის გაყვანა ოფიციალურად დაიწყო. 14 აპრილს აშშ-ის პრეზიდენტმა, ჯო ბაიდენმა ავღანეთიდან ამერიკული ჯარების გამოყვანა გამოაცხადა.
„დროა, დასრულდეს ამერიკის ყველაზე ხანგრძლივი ომი. დროა ამერიკული ჯარები ავღანეთიდან დაბრუნდნენ“, - განაცხადა აშშ-ის პრეზიდენტმა.