„აშშ-ის ცენტრალურ სადაზვერვო სააგენტოს (CIA), რომლის ძირითადი ამოცანა უცხოური ორგანიზაციებისა და მოქალაქეების საქმიანობის შესახებ ინფორმაციის შეგროვება და ანალიზია, კვლავ რიგით ამერიკელებზე თვალთვალში ადანაშაულებენ“, - ამის შესახებ BBC წერს.
ბრალდებებს ამჯერად ორი დემოკრატი სენატორი - რონ უაიდენი და მარტინ ჰაინრიხი აჟღერებენ.
1947 წლის წესდების თანახმად, CIA-ს აშშ-ის შიგნით ჯაშუშობა აკრძალული აქვს და მისია მხოლოდ შტატებს გარეთ თვალთვალს გულისხმობს.
სენატორების მტკიცებით, სააგენტო, ტელეფონებისა და ინტერნეტის მეშვეობით, აშშ-ის მოქალაქეებზე აგროვებს ინფორმაციას.
არსებული ინფორმაციით, მოქალაქეებზე თვალთვალისა და მიყურადებისთვის პროგრამა PRISM გამოიყენება.