თამარ ჩიბურდანიძე: ილიას სიტყვების შეცვლა არ გაუბედავთ თვით კომუნისტებსაც კი საბჭოთა პერიოდში. ეს ვერ გაბედა ვერავინ უსამშობლო და უღმერთო ხალხის გარდა! აი, რას აფინანსებენ შავი ფულით დასავლეთიდან
„ურწმუნო კაცი ვერასოდეს მიხვდება, რა უსუსურია ღმერთის გარეშე. ისევე, როგორც ვერ ხვდება ჩვენი ოპოზიცია და მათი მხარდამჭერები აქციაზე, რომ უკვე მწარედ წააგეს“, – წერს სოციალურ ქსელში „ხალხის ძალის“ წევრი თამარ ჩიბურდანიძე და დასძენს, რომ საკუთარ სამშობლოსთან ბრძოლა ჯერ არავის მოუგია და ვერც ვერასოდეს მოიგებენ.
თამარ ჩიბურდანიძე ეხმიანება თბილისი პრაიდის ხელმძღვანელის გიორგი თაბაგარის მცდელობას „ენა, მამული, ერთობით” შეცვალოს ილია ჭავჭავაძის მოწოდება „ენა, მამული, სარწმუნოება“ და შესაბამისად, გახადოს ის პოპულარული.
„ესეც კი გაბედეს! ეს უკვე განგაშია! ილიას სიტყვების შეცვლა არ გაუბედავთ თვით კომუნისტებსაც კი საბჭოთა პერიოდში. ეს ვერ გაბედა ვერავინ უსამშობლო და უღმერთო ხალხის გარდა! აი, რას აფინანსებენ შავი ფულით დასავლეთიდან! აი, რისი გამჭვირვალობა არ სურთ, რატომ ეშინიათ! საქართველოს სულს ართმევენ! რწმენას ართმევენ!
ურწმუნო ქართველი მონაა, რასაც ვხედავთ ამ დღეებში რუსთაველზე. ურწმუნო და უღმერთო თაობა გაგვიზარდეს უცხოური ფულით და ეს თაობა სურთ დღეს დროშად აქციონ.
ურწმუნო კაცი ვერასოდეს მიხვდება, რა უსუსურია ღმერთის გარეშე. ისევე, როგორც ვერ ხვდება ჩვენი ოპოზიცია და მათი მხარდამჭერები აქციაზე, რომ უკვე მწარედ წააგეს. საკუთარ სამშობლოსთან ბრძოლა ჯერ არავის მოუგია და ვერც ვერასოდეს მოიგებს!“ – წერს თამარ ჩიბურდანიძე.