გურამ მაჭარაშვილი: ახლა ბრძოლა მიდის იმაზეც, საკუთარ ქვეყანაში პარლამენტმა კანონი უნდა მიიღოს თუ მხოლოდ სხვა ადამიანების ტანის გრძნობებზე და ყურში მოსმენილ ჰარმონიებზე უნდა იყოს დამოკიდებული

„სუვერენიტეტის პირდაპირი შეზღუდვაა, წაუკითხავი კანონი გააპროტესტებინონ“, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა „უცხოური გავლენის გამჭვირვალობის შესახებ“ კანონზე კომენტირებისას განაცხადა.

როგორც მაჭარაშვილმა მედიასთან საუბარში აღნიშნა, მიმდინარეობს საქართველოს სახელმწიფოში უღირსი ჩარევა.

„ყოვლად დაუშვებლად, უღირსად ხდება საქართველოს სახელმწიფოში ჩარევა – თუ რომელი კანონი უნდა მიიღოს და რომელი არა. სუვერენიტეტის პირდაპირი შეზღუდვაა, წაუკითხავი კანონი გააპროტესტებინონ. ამიტომაც, ახლა ბრძოლა მიდის და არა მხოლოდ იმაზე, არასამთავრობო სექტორის თანხები გამჭვირვალე იქნება თუ არა, არამედ იმაზეც, საკუთარ ქვეყანაში პარლამენტმა კანონი უნდა მიიღოს, თუ მხოლოდ სხვა ადამიანების ტანის გრძნობებზე და ყურში მოსმენილ ჰარმონიებზე უნდა იყოს დამოკიდებული“, – განაცხადა გურამ მაჭარაშვილმა.