გურამ მაჭარაშვილი: საოცარია, მაგრამ ამ 33 წლის თავზე მაინც მოგვიწია კიდევ ერთხელ სახალხო შეკრება იმასთან დაკავშირებით – გვინდა თუ არა სუვერენიტეტი
„საოცარია, მაგრამ ამ 33 წლის თავზე მაინც მოგვიწია კიდევ ერთხელ საერთო, დიდი, სახალხო შეკრება იმასთან დაკავშირებით – გვინდა თუ არა სუვერენიტეტი“, – ამის შესახებ მედიასთან „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.
მისი თქმით, 29 აპრილს ქართველი ერი კიდევ ერთხელ აირჩევს დამოუკიდებლობასა და სუვერენიტეტს.
„29 აპრილს გამოვა მთლიანად ქართველი ერი და მსოფლიო თანამეგობრობის, ევროპელების, კუბილიუსის, კონგრესმენების, მსოფლიო საზოგადოების წინაშე დააფიქსირებს თავის არჩევანს, რომ სურს ევროპა და ევროკავშირი, ოღონდ – ღირსებით“, – განაცხადა გურამ მაჭარაშვილმა.