ფრანგი მსახიობი ჟერარ დეპარდიე სექსუალური ძალადობის ბრალდებით დააკავეს, ამის შესახებ პოლიციაში საკუთარ წყაროებზე დაყრნობით AFP იტყობინება.
პოლიციამ დააკავა დეპარდიე, რათა დაკითხოს ორი ქალის მიერ წარმოდგენილ სარჩელებთან დაკავშირებით, რომელთაგან ერთი 2021 წელს, ხოლო მეორე 2014 წელს მომხდარ მოვლენებს უკავშირდება.
ერთ-ერთი ქალის განცხადებით, ინციდენტი ფილმ „მწვანე დარაბების“ გადასაღებ მოედანზე მოხდა. 53 წლის ამელი აცხადებს, რომ დეპარდიე მას 2021 წელს მკერდზე ხელით შეეხო.
რაც შეეხება მეორე საჩივარს, ქალის განცხადებით, 2015 წელს ფილმ Le magician et le Siamois-ის გადასაღებ მოედანზე დეპარდიე მას ინტიმურ ადგილებზე ხელით შეეხო და მიუღებელი სიტყვებით მიმართა.
75 წლის დეპარდიეს ბრალდებასთან დაკავშირებით კომენტარი ჯერ არ გაუკეთებია. მანამდე ის სექსუალურ შევიწროებაში 13-მა ქალმა დაადანაშაულა, თუმცა დეპარდიემ ყველა ბრალდება უარყო.