მესტიაში საძიებო-სამაშველო სამუშაოები რამდენიმე საათია მიმდინარეობს. საგანგებო სიტუაციების მართვის სააგენტოს მაშველები სკოლის სამ მოსწავლეს ეძებენ.
ახალგაზრდები ავტომანქანით მდინარე ნაკრაში გუშინ საღამოს გადავარდნენ. საძიებო სამუშაოებში სამაშველო ჯგუფებთან ერთად ჩართულია ადგილობრივი მოსახლეობაც.
საძიებო სამუშაოები რამდენიმე ლოკაციაზე ერთდროულად მიმდინარეობს.
ადგილობრივების ინფორმაციით, ახალგაზრდები ჭუბერში მაისობის დღესასწაულზე იმყოფებოდნენ და სოფელ ნაკრაში ბრუნდებოდნენ, რა დროსაც მანქანა გზიდან მოცურდა და მდინარეში გადავარდა. მათივე თქმით, ახალგაზრდები თანასოფლელები არიან და ავარიის დროს მანქანაში მარტო იმყოფებოდნენ.