დავით ქართველიშვილი: ევროდეპუტატზე ძალადობის დამგმობი დეკლარაციის მიღებაზე უარი თქვა ჩვენი ნაცმოძალადეების „ნათლიმამამ“ – ევროპის სახალხო პარტიამ (EPP), რითაც მწვანე აუნთო დეპუტატების ცემას
„მთავარმა პოლიტიკურმა პარტიებმა („სოციალისტები და დემოკრატები“ (S&D, „ევროპული განახლება“, „მწვანეები“ და მემარცხენეები) შეიმუშავეს ერთობლივი განცხადება, რომელიც გმობს დეპუტატებზე ძალადობას ევროპარლამენტში არჩევნების წინ”, – წერს სოციალურ ქსელში „ხალხის ძალის“ წევრი დავით ქართველიშვილი და ამით ეხმიანება ისეთ პრობლემას, როგორიცაა პარლამენტში დეპუტატზე ძალადობა.
როგორც დავით ქართველიშვილი წერს, ანალოგიური პრობლემა ევროპარლამენტშიც არის და მაგალითად მოჰყავს დეპუტატ მატიას ეკეზე ფიზიკური ძალადობა.
„პარლამენტის კედლებში დეპუტატზე თუ ფრაქციის თავმჯდომარეზე ძალადობა არა მხოლოდ საქართველოს საკანონმდებლო ორგანოს პრობლემაა. ანალოგიურ ფაქტებს ადგილი აქვს მოქმედი ევროპარლამენტარების მიმართაც. გასულ კვირას სოციალისტ დეპუტატ მატიას ეკეს ფიზიკურად გაუსწორდნენ, როდესაც ის წინასაარჩევნო კამპანიის ფარგლებში დრეზდენში პლაკატებს ავრცელებდა. მთავარმა პოლიტიკურმა პარტიებმა („სოციალისტები და დემოკრატები“ (S&D, „ევროპული განახლება“, „მწვანეები“ და მემარცხენეები) შეიმუშავეს ერთობლივი განცხადება, რომელიც გმობს დეპუტატებზე ძალადობას ევროპარლამენტში არჩევნების წინ. ამ დეკლარაციის (სახელწოდებით “დემოკრატიის დასაცავად”) მიღებაზე უარი თქვა ჩვენი ნაცმოძალადეების „ნათლიმამამ” – ევროპის სახალხო პარტიამ (EPP). ასე რომ, ევროპარლამენტის მიერ ელისაშვილის საქციელის სრული იგნორირება – სავსებით სიმპტომატურია,“ – წერს დავით ქართველიშვილი.