დედაქალაქის მერი კახა კალაძე ოჯახის სიწმინდის დღისადმი მიძღვნილ ღონისძიებას ოჯახთან ერთად შეუერთდა და საქართველოს მოქალაქეებს დღევანდელი დღე მიულოცა.
„დღევანდელი დღე მინდა მივულოცო სრულიად საქართველოს. ჩვენი ქვეყნის თითოეულ მოქალაქეს. სიყვარული, თაობებს შორის ურთიერთობა, პატივისცემა, ნდობა, რაც ოჯახში ტრიალებს, გვაყალიბებს ადამიანებად, პიროვნებებად, მოქალაქეებად. ეს არის ღირსშესანიშნავი და ხელშეუხებელი სიწმინდე. ვამაყობ იმ კულტურით და ტრადიციებით, რომელიც უკავშირდება ოჯახს და ყველას ვულოცავ დღევანდელ დღეს. ღმერთი იყოს ჩვენი ოჯახების და ჩვენი ქვეყნის მფარველი“, – განაცხადა კახა კალაძემ.