რუსეთმა ხარკოვზე მორიგი სარაკეტო იერიში მიიტანა. დაშავებულია ხუთი ადამიანი, მათ შორის, ორი ბავშვი. როგორც უკრაინული მედია წერს, რეგიონში საჰაერო განგაში 6 საათის განმავლობაში გრძელდებოდა.
ხარკოვის საოლქო ადმინისტრაციის ხელმძღვანელმა, ოლეგ სინეგუბოვმა განაცხადა, რომ დარტყმა საცხოვრებელ სექტორზე განხორციელდა. მისივე თქმით, დაინგრა რამდენიმე კერძო სახლი, დაშავებულთა შორის არიან 13 და 16 წლის ბავშვები.